Memoria histórica
O pacto de PSOE e Podemos promete a "recuperación inmediata" do Pazo de Meirás

No novo pacto do goberno de coalición entre o PSOE e Unidas Podemos hai un punto titulado "Recuperación da nosa memoria democrática", no que as dúas formacións políticas acordan "auditar os bens expoliados polo franquismo para devolvelos aos seus lexítimos titulares". Dunha forma máis específica, expoñen a "recuperación inmediata" do Pazo de Meirás para o patrimonio público.

No pazo, situado en San Martiño de Meirás no Concello de Sada, viviu a escritora galega Emilia Pardo Bazán. Despois, vendeuse e foi a residencia de verán do ditador fascista Francisco Franco, desde o 1938 ata a súa morte no 1975. Os seus herdeiros mantivérono como parte do seu patrimonio privado despois da transición.

En 2008, a Xunta de Galicia declarou o pazo BIC (Ben de Interese Cultural). O propio Feijóo,  defendeu a semana pasada que en Meirás "hai elementos xurídicos obxectivos para reivindicar a titularidade pública deste inmoble e non hai discusión de se é este pazo ou outro", despois dun fallo xudicial que deu a razón aos Francos en relación ás estatuas do Mestre Mateo. 

A Avogacía do Estado presentara no pasado mes de xullo unha demanda contra os Franco pola propiedade do pazo, considerando a venta do 1938 coma "fraudulenta". A demanda, adiantada no seu día por eldiario.es, centrouse na tese desenvolta en outras investigacións e no informe histórico-xurídico encargado pola Diputación da Coruña. Advertíase de que a transmisión do Pazo á familia Franco se fixera a través dun contrato simulado en 1941 para evitar que pasara a ser parte do patrimonio estatal, cando levaba máis de tres anos sendo utilizado polo xenocida, a quen se lle donara. É dicir, as torres foron vendidas dúas veces e a última delas a través dun acordo "enganoso", cando o inmoble xa era residencia do ditador tras un acordo anterior.

Con todo, os partidos tamén pactaron implementar un programa de exhumaciones das vítimas do franquismo que continúan en fosas comúns. Así coma declarar nulas as condenas e sancións de tribunais, xurados e outros órganos penais, administrativos ou militares ditadas durante a Guerra Civil ou a ditadura por motivos políticos e ideolóxicos. Todo isto, ven logo tamén da presión do Bloque Nacionalista Galego para a recuperación do espazo.

Piden cárcel por dos pancartas en el pazo de Meirás

Redacción El Salto

9

Memoria histórica

Piden cárcel por dos pancartas en el pazo de Meirás

Redacción El Salto

9

La Fundación Francisco Franco y familiares del dictador piden hasta 13 años de cárcel a 19 miembros del BNG por desplegar dos pancartas desde una torre del Pazo de Meirás.