Enaltecimiento del terrorismo
A Audiencia Nacional rebáixalles a seis meses de cárcere a condena aos rapeiros de La Insurgencia

De dous anos e un día, a seis meses e un día. A Sala de Apelacións da Audiencia Nacional rebaixoulles á súa cuarta parte a condena imposta en decembro de 2017 aos doce membros do colectivo de rap La Insurgencia, evitando así que os mozos entren en prisión.

"Isto segue sendo inaceptable por faceren cancións. Non pararemos ata conseguir a absolución, aínda que a nosa xente xa nos absolveu", afirmou na súa conta de Twitter Sahid, un dos mozos condenados polas letras das súas cancións.

Desde Poder Judicial explican que, na nova sentenza, a Audiencia Nacional afirma que os acusados exaltaron de forma reiterada e/ou xustificaron actos terroristas, pero agora ten en conta que as organizacións terroristas mencionadas nas cancións de La Insurgencia están "xa desmanteladas", en referencia ao GRAPO, ETA e ao PCE( r).

Na sentenza, de 97 páxinas, da cal foi relator o maxistrado Enrique López, insístese en que as cancións, difundidas por YouTube e que chegarían a máis de 40.000 persoas, "encaixan nun discurso do odio que vai máis aló do dereito á liberdade de expresión e da creación artística".

‘Shahid’: “A única forma de saír desta é xuntos e organizados”

Raúl Novoa González

Represión

‘Shahid’: “A única forma de saír desta é xuntos e organizados”

Raúl Novoa González

Falamos con Saúl López ‘Shahid’ de La Insurgencia, o grupo de rap condenado pola Audiencia Nacional por enaltecemento do terrorismo polas súas cancións.