Política
Así corrixiu Feijóo a súa postura con Israel: de ser “inimigos extremistas” a lexitimar o sionismo

Un tropezo político do PP na súa etapa como presidente da Xunta desencadeou unha crise diplomática co Estado israelí que acabou por pecharse con acordos comerciais e a oferta de “vantaxes fiscais”.
Alberto Núñez Feijóo en Israel
Visita a la fábrica de Mobileye en Jerusalem de Alberto Núñez Feijóo cuando era presidente de la Xunta de Galicia, en 2018. Foto de la Xunta

No Parlamento de Galicia rara vez hai consensos transversais. Nin sequera cando se trata dunha moción para que a súa lingua vehicular gañe dereitos ou para crear unha comisión de investigación que analice as responsabilidades do fatal accidente ferroviario do Alvia en Santiago de Compostela. En ambas ocasións, o Partido Popular votou en contra e, na segunda, tamén se negou a apoiala o PSdeG. En cambio, si houbo un acordo case idéntico que se repetiu en 2013 e 2014, cando Alberto Núñez Feijóo botaba andar a súa segunda lexislatura como presidente da Xunta. Tratouse dunha declaración institucional na que todas as deputadas e deputados galegos avalaban o “dereito ao retorno” do pobo palestino ás terras ocupadas das que foron expulsados trala masacre que seguiu a creación do Estado de Israel no 1948, trala Nakba.


Ocupación israelí
Directo Decenas de miles de personas se manifiestan en todo el Estado contra el genocidio palestino
Euskadi, Galiza y Catalunya llenan sus plazas de manifestantes contra la ocupación israelí pocas horas después de que Netanyahu haya ordenado la mayor incursión por tierra de las últimas semanas.

A posición do Partido Popular, entón, enmarcouse, a grandes trazos, na senda do antisemitismo que abanderara Manuel Fraga Iribarne e a ditadura franquista da que foi ministro e embaixador que, aínda que puxo da súa parte para o recoñecemento do Estado de Israel, o seu Goberno galego tamén financiou o polémico libro Mentira histórica desvelada (Ejearte, 1994), que negaba o Holocausto. O caso é que aquel manifesto do Parlamento de Galicia era sucinto. Nada agresivo co Estado sionista e apenas viña ratificar o que as Nacións Unidas levaban décadas dicindo, así que non sorprendeu a ninguén. A ninguén excepto ao entón embaixador de Israel en España, Alon Bar, que asumiu aquel texto como un casus belli e decidiu colocar Galiza entre os seus “inimigos extremistas”. A coñecida destreza de Feijóo para navegar sempre que pode na equidistancia fallara. Non só iso. Desencadeara unha crise institucional que nin el viu vir nin moito menos pretendía. Pero aconteceu. E disto hai apenas dez anos. Entón, silencio mediático.

A lexitimación do sionismo disfrazada de “viaxe comercial”

O que pasou despois entre ambos gobernos ata volver normalizar as súas relacións no marco do eixo otanista escapou á opinión pública. E o que non, transcendeu cun perfil moi baixo, como a visita dunha comitiva da embaixada israelí en 2016 ao Parlamento. Todo ata que, a comezos de 2018, o agora líder do Partido Popular anunciou aos catro ventos a creación dunha delegación público-privada que viaxaría a Tel Aviv para “amosar Galiza como un lugar para innovar e de abrir novas oportunidades” e, sobre todo, para “ofrecer vantaxes fiscais”. Representantes de vinte empresas e centros tecnolóxicos, o agora vicepresidente galego Francisco Conde e o propio Núñez Feijóo marcharon entón nunha viaxe pagado con diñeiro público cara ao Estado de Israel. Chegaron a finais de xaneiro e Feijóo e as súas terminais mediáticas empeñáronse en transmitir, diariamente, as potenciais sinerxías entre ambas industrias e, en cada ocasión que se lle presentaba fronte a un micrófono, desfacerse en eloxios cara ao réxime sionista: “Paradigma do saber” foi o epíteto máis ornamentado que utilizou. 

Nos seus anos como presidente da Xunta, Feijóo alardeou de multiplicar por catro as exportacións galegas cara a Israel

O entón presidente da Xunta e o seu séquito comercial visitaron universidades, feiras empresariais, institucións e, non de maneira casual, o Yad Vashem, a organización constituída para preservar a memoria dos millóns de xudeus asasinados durante a Segunda Guerra Mundial que se atopa na Xerusalén ocupada. De feito, a imaxe que o gabinete de Núñez Feijóo se preocupou por emitir ao final da súa “viaxe comercial” foi a súa na Sala dos Nomes do Museo da Historia do Holocausto. Rodeado de máis de medio millar de fotos de vítimas pretendía poñer fin á súa ruta e, en certo sentido, pechar simbolicamente a crise diplomática que abrira.

Resulta complexo acceder aos pormenores das relacións xurdidas daquela viaxe polo opaco dos vínculos empresariais privados entre Galiza e Israel. Tampouco a Xunta tivo a ben responder ás preguntas desta redacción ao respecto. Nin se selaron acordos ou convenios nin en que se sintetizou a inversión pública daquela viaxe e o omnipresente Plan Innova 2020 que o abandeirou. Pero os datos que ofrece o Ministerio de Industria, Comercio y Turismo son cristalinos. Galiza pasou de sumar 42,3 millóns de euros en exportacións a Israel no 2010, primeiro exercicio fiscal completo no que Feijóo foi presidente, a 173,7 millóns no 2022. É dicir, no seu mandato case que se cuadriplicaron as exportacións co Estado sionista. Principalmente, a través do sector automobilístico, que hoxe supón o 71,3% das exportacións galegas cara ao enclave de Oriente Medio.

O Partido Popular sostivo entón e o mantén agora que Israel “á o único país democrático da súa contorna”

En canto foi anunciada aquela viaxe, as críticas da oposición galega de En Marea, PSdeG e BNG tiveron entón o mesmo denominador común: esixir ao Partido Popular que con esa viaxe non lexitimase a política xenocida de Israel contra o pobo palestino. O PP galego tiña a mesma postura que mantén hoe Xénova: que o Estado sionista “é o único democrático da súa contorna”, aínda que naquel momento recoñecía que as súas relacións diplomáticas tiñan certa marxe de “mellora”. O actual presidente galego e entón vicepresidente, Alfonso Rueda, foi o encargado de esgrimir as hostilidades contra as críticas da oposición suxerindo unha falta de cultura das deputadas e deputados galegos sen carné do PP: “A algúns, e esto é unha recomendación persoa, o que lles conviña era viaxar un pouco máis para decatarse de que é necesario saír ao exterior para promocionar Galiza, o que ten Galiza e todas as súas oportunidades”, respondeu Rueda ás preguntas dos xornalistas do dixital Praza, un dos poucos diarios que aportou un enfoque crítico con aquel intento de intensificar as relacións de Galiza con Israel.

E tras aquel polémico e criticado plan político de Feijóo, o Partido Popular de Galicia favoreceu que o Centro Tecnolóxico de Automoción de Galicia fose medio ano máis tarde a Israel solidificar eses potenciais acordos. Tiveron diferentes reunións entre as que destacou a de Technion (Israel Institute of Technology), un dos centros de referencia mundial en novas tecnoloxías. Unha organización duramente criticada por desdebuxar a barreira entre a sociedade civil e militar, especialmente polas súas contribucións fundamentais ao desenvolvemento de tecnoloxías militares que, en fin último, rematan sendo utilizadas para promover a ocupación de Palestina. Daquelas reunións pretendían pechar acordos para acceder a proxectos conxuntos H2020 (Programa Marco da Unión Europea para a investigación e innovación), pero a Xunta tampouco aclarou se esas alianzas públicas se solidificaron.

Informar de un error
Es necesario tener cuenta y acceder a ella para poder hacer envíos. Regístrate. Entra en tu cuenta.

Relacionadas

Palestina
Gaza Israel deja Rafah y el norte de Gaza casi sin reservas de agua
Oxfam Intermón advierte que se han destruido casi 1.700 kilómetros de redes de agua y saneamiento y que se necesitan urgentemente reparaciones costosas, pero Israel se niega a aprobar los suministros.
Opinión
Opinión La empresa española CAF frente a la Corte Internacional de Justicia
Frente a la legalidad internacional, la empresa CAF construye, equipa y gestiona líneas de tranvía entre la ciudad ocupada de Jerusalén y las nuevas colonias próximas.
Madrid
Acusaciones de violencia sexual Monedero, bajo investigación de la Universidad Complutense por la denuncia de acoso sexual de una alumna
La confidencialidad del expediente no permite saber cuándo se presentó la denuncia ante la Unidad de Igualdad o cuánto se demorará la resolución. La Complutense afirma que la Inspección de Servicios está tramitando la acusación.
Justicia
Justicia Rubiales, condenado por agresión sexual y absuelto del delito de coacciones
18 meses de multa con cuota de 20 euros al día por un delito de agresión sexual. Es la condena al expresidente de la RFEF Luis Rubiales por los hechos ocurrido en la ceremonia de entrega e medallas del pasado mundial celebrado en agosto en Sidney.
Inteligencia artificial
Militarismo La máquina de los asesinatos en masa: Silicon Valley abraza la guerra
Las fantasías distópicas sobre los futuros usos de las máquinas en la guerra están más extendidas que el relato de lo que ya está pasando en los campos de batalla.

Últimas

València
València Suspendida “sin explicación jurídica” la primera declaración por desaparición forzosa del franquismo
La abogada remarca que no hay motivo jurídico por el que suspender la declaración que Carolina Martínez iba a realizar sobre la desaparición forzada y asesinato de su abuelo en 1939.
Airbnb
Pisos turísticos Consumo abre expedientes sancionadores a gestoras de pisos turísticos
El ministerio de Pablo Bustinduy incoa expedientes sancionadores a empresas que administran muchos pisos por prácticas comerciales desleales.

Recomendadas

América Latina
Extrema derecha Los soldados de Donald Trump en América Latina
Mientras algunos presidentes latinoamericanos, con mayor o menor ímpetu, intentan ponerle freno, otros tantos se arrodillan y le rinden pleitesía sin recibir nada a cambio. ¿Quiénes son los súbditos latinoamericanos de Trump?
Crónica
Crónica Locura y papeletas. Berlín, una semana antes de las elecciones federales
Un paseo nocturno por la capital alemana nos permite acercarnos al ambiente que late una semana antes de que la ultraderecha consiga sus mejores resultados desde el hundimiento del nazismo.
Dana
València El 98% de los más de 120.000 coches afectados por la dana tendrán que ser desguazados
La reconstrucción de infraestructuras afectadas abre una ventana de oportunidad para repensar el modelo de movilidad metropolitana de València.