8 de marzo
O feminismo galego toma a rúa polo 8M

A cidadanía galega estaba chamada a saír á rúa ás 20.00 horas pola plataforma Marcha Mundial das Mulleres (MMM) en cidades como Ferrol (Praza Amada García), Pontevedra (Praza de Ourense), Lugo (Edificio de Xunta) e Ourense (Subdelegación do Goberno). En Vigo a mobilización, convocada por Feminismo Unitario de Vigo, tamén estaba prevista ás 20.00 horas e partiu da Praza dos Cabalos. Mentres, na Coruña, a Plataforma Feminista Galega convocou unha manifestación ás 20.00 horas que saiu do Obelisco. O bloque abolicionista, por outra banda, convocou unha concentración ás 21.00 horas na praza da Palloza, onde leron o seu manifesto.

Doutra banda, Santiago é o único punto onde houbo catro manifestacións. Ás 19.00 horas, as Tamborililás, as batuqueiras transinclusivas, reuníronse no pub Medusa para ir quentando os batuques. Ás 19.00 horas saía da praza 8 de Marzo a manifestación convocada pola Plataforma Feminista Galega e Materfem. Ás 19.00 horas saiu tamén o bloco abolicionista que lería o seu comunicado propio en Platerías. E contra as 20.00 arrincaba da praza 8 de Marzo a manifestación da Marcha Mundial das Mulleres.

Ver esta publicación en Instagram

Una publicación compartida de O Salto Galiza (@osaltogaliza)

Trata e impunidade policial no caso Carioca

Fran Pérez

Trata

Trata e impunidade policial no caso Carioca

Fran Pérez

A Fiscalía impide, na liña doutras pezas, que oito dos dez axentes da Policía Nacional e funcionarios de Estranxeiría investigados sexan xulgados.

Comarca de Santiago de Compostela

• Teo. A caravana Lila, un Centro de información á Muller móbil, estará de 16.30 a 19.30 nos Campos de Mirabel.
• Ordes. As Mulleres Feministas de Ordes organizan unha marcha ás 20.30 horas desde a Alameda até o Campo da Feira.
• Negreira. Farase unha homenaxe á profesora María López Sández ás 20.00 horas no auditorio Afonso Eanes do Cotón.
• Melide. Ás 20.00 horas proxectarase o documental Melide, con M de muller no centro sociocultural Mingos de Pita.
• Rois. Presentación do filme Rois m8ita muller, entrega de premios dun concurso escolar de carteis e lectura do manifesto institucional ás 19.00 horas no multiusos.

Comarca de Vigo

• Cangas. Manifestación con saída ás 20.00 horas da Praza do Concello.
• O Porriño. Manifestación ás 20.00 horas diante do Concello, convocada pola Marcha Mundial das Mulleres. Ademais, á mesma hora e lugar terá lugar a lectura do manifesto e actuacións musicais a cargo de artistas e bandas de mulleres locais.
• Redondela. Manifestación ás 20.00 horas con saída da praza da Constitución, convocada polo Bloque Abolicionista.
• Tui. Lectura do manifesto institucional e unha acción artística ás 19.00 horas no edificio da praza da Inmaculada.

Comarca da Coruña

• Sada. Lectura da declaración institucional ás 19.00 horas na praza de España.
• Arteixo. Mesa redonda sobre a sororidade e entrega do recoñecemento Muller de Arteixo 2023. O acto terá lugar no Centro Tecnolóxico de Arteixo ás 19.00 horas.

Comarca de Pontevedra

• Bueu. Concentración feminista e lectura da declaración institucional ás 20.00 horas na praza do Concello.
• Sanxenxo. Acto para conmemorar o 8M ás 20.00 horas no Auditorio do Pazo de Emilia Pardo Bazán. Trátase da proxección do documental sobre mulleres inspiradoras da localidade.
  

Comarca de Lugo

• Guitiriz. Manifestación con saída ás 19:00 horas do Campo da Feira.
• Vilalba. Concentración ás 20.00 horas na praza da Constitución, onde ademais da lectura do manifesto terá lugar a representación teatral de Clara Vitoria.