We can't find the internet
Attempting to reconnect
Something went wrong!
Hang in there while we get back on track
Sanidad pública
Vigo sae á rúa en defensa dunha atención primaria de calidade
Perto de 37.000 persoas percorreron o xoves 27 de decembro as ruas do centro da cidade olívica. Piden máis persoal nos centros de saúde, unha sanidade pública de calidade e gratuita, así como a dimisión do actual conselleiro de sanidade da Xunta de Galiza.

Ás 20 horas do xoves 27 de decembro ao redor de 37.000 cidadáns de Vigo e arredores saíron ás rúas da cidade en defensa da sanidade pública. “Pola dignidade da atención primaria” destacaba a pancarta que encabezaba a manifestación, sostida polos xefes de servizo dos centros de saúde que dimitiron fai dúas semanas. Os manifestantes buscaban solución á falta de reposición de novos traballadores, á carencia de material novo, á sobrecarga nos traballadores e ás demoras nas consultas dos pacientes.
Sanidad pública
Peche de 24h para denunciar a situación nos PAC
O problema ven sendo coma unha bóla de neve. Os PAC son os encargados das urxencias máis leves, pero como non teñen persoal dabondo e están baixo mínimos, esas urxencias trasládanse ás hospitalarias, saturándoas. “Non podemos con todo, pedimos tempo para atender á xente como é debido” sinala Carlos Gavián, médico da PAC de Tui. Ademais, os médicos afectados aseguran que ao día tratan entre 40 e 50 pacientes, con apenas 5-10 minutos por persoa, o que dificulta moitísimo facer un tratamento eficaz.

Os residentes, saen dos seus respectivos graos universitarios mentres fan a súa especialidade. “O problema é que se atopan unha chea de traballo do que apenas teñen idea cobrando o salario mínimo do residente” sinala Sara Seguín, estudante en prácticas de Medicina. Piden contratos dignos e estábeis no tempo porque, como sinala, “meteron moitísimos residentes para non facer mellores contratos”. “Persoalmente dame medo” conclúe a estudante.
O movemento xurdiu desde os profesionais, nada ten que ver cos partidos da oposición parlamentar
Na manifestación, entre luces de Nadal e panxoliñas, escoitáronse berros como “Conselleiro, dimisión” ou “Conselleiro, escoita, os PAC están en loita” en protesta polo que consideran unha “xestión nefasta da sanidade pública”. Tamén se berrou “goberne quen goberne a sanidade non se vende” e “non é política, é dignidade” en alusión ao que Feijóo dixo o mércores 26 cando afirmou que a reivindicación estaba impulsada pola oposición política e baseada en mentiras, xa que, segundo él, “a sanidade galega é referencia en España”. Este venres 28, recoñeceu que os contratos de días eran “impropios” e a Xunta os convertira en anuais. Aínda así, os organizadores e afectados aseguran que o movemento xurdiu desde os sectores profesionais a través das súas necesidades, nada ten que ver coa oposición política.