Medio rural
O conflito entre enerxía eólica e territorio: “A maior inxustiza para o rural galego”

O Observatorio Eólico de Galicia critica o “papel marxinal” das comunidades locais no avance dos parques. Os veciños falan dunha “ocasión perdida para potenciar e renovar o medio”.
Eólicos Frexulfe 1
Gando a carón dos muiños do parque eólico situado na Serra do Xistral (Lugo) | Foto: Javier Otero.
27 ene 2021 10:30

Máis de 100 concellos galegos teñen parques eólicos. Neles están instalados 4.000 aeroxeradores. Son case o 15% da potencia eólica do Estado. A día de hoxe, a media de produción eólica de Galiza é de 115 kW/km2 fronte aos 46 do Estado español ou os 72 de Alemaña. Dende finais de 2019, o goberno galego e o estatal tramitaron en conxunto uns 75 megaparques eólicos para sumalos aos 180 en explotación e acadar os 5.000 MW de potencia. Son datos recollidos no manifesto Aldeas con Horizonte, suscrito por case 60 organizacións que piden a moratoria de novos parques eólicos e un novo modelo desenvolvemento para esta enerxía.

Cifras que se materializan cun percorrido simple pola xeografía galega. Nas autoestradas é cada vez más frecuente cruzarse con tráilers cargados de torres, pas ou calquera outra gran peza dun muíño eólico. Un elemento que xa forma parte da paisaxe galega rural. A calculadora de potencias non deixa de medrar, á vez que o fan os fíos de debate que formula esta expansión. Están tamén recollidos no manifesto: a falta de participación das comunidades locais, o oligopolio do sector, a inexistencia do autoconsumo, a expropiación das terras, a fragmentación dos proxectos para evitar atrancos na avaliación ambiental, os parques eólicos na Rede Natura 2000… E así, até 15 puntos de conflito que amosan a complexa e conflitiva relación da enerxía eólica co territorio galego.

Como evidencian algúns acontecementos recentes. Véxase o fallo do Tribunal Superior de Xustiza de Galicia (TSXG) que anulou a autorización do parque de Norvento en Mondoñedo logo de detectar unha división artificial do proxecto para suavizar a avaliación ambiental. Ou o plan do Estado noruego para situar aeroxeradores a 200 metros dun parque protexido dos Ancares. E a acción dun veciño afectado polas instalacións de EDP Renovables en Corme, que cortou un camiño con con troncos a xeito de protesta. Neste contexto, naceu en xaneiro de 2019 o Observatorio Eólico de Galicia (OEGA) como ferramenta de investigación, información asesoramento e consulta para todas persoas, empresas e colectivos involucrados na enerxía eólica.

Aeroxeradores Corzal, Negreira Aerogeneradores Molinos Molino eólica eolica
Muiños de vento no parque eólico de Corzal, no concello de Negreira. Pablo Santiago

Xavier Simón, profesor titular da Universidade de Vigo pertencente ao departamento de Economía Aplicada, é o coordinador e investigador principal desta institución. “A eólica estáse a estender por case todo o territorio galego seguindo as pautas marcadas no Plan Sectorial Eólico de Galicia. E parece que a Xunta vai flexibilizar este tema, permitindo que se asenten parques eólicos fóra das zonas marcadas. A enerxía eólica xa forma parte da nosa paisaxe e medio rural. Na miña opinión hai que limitar a súa extensión a territorios que non comprometan valores ambientais e tampouco poñan en risco as condicións de vida das persoas”, sinala.

Sobre o parque de Greenalia en Ourol: “Non houbo expropiación pero si unha ameaza de que se non se negociaba irían por esa vía”

Unha desas persoas afectadas é Miguel Otero, residente no concello de Ourol da Mariña de Lugo, unha das zonas onde máis aeroxeradores funcionan. Neste municipio, Greenalia, con sé na Coruña, ven de instalar un novo parque eólico. Esta compañía está construindo cinco en Galiza que suman una potencia de 72 MW. “Non houbo expropiación pero si unha ameaza de que se non se negociaba irían pola vía da expropiación e así non pagarían nada”, comenta Otero, quen apunta outras das realidades que se viven arredor destes procesos. A división da veciñanza e a influencia no discurso local de certos actores.

“En Ourol organizouse a asociación Ventos Milleiro para negociar con Greenalia. Apunteime. Pero non chegou ningún tipo de informacón sobre o proceso alén dalgunha chamada para dicir que xa decidiran. O presidente negoume a documentación. Logo entereime de que era concelleiro do PP, vinculado ao sector da madeira, ao tempo que Bea Mato, ex conselleira de Medio Ambiente da Xunta, fichaba por Greenalia. Obtiven resposta positiva da Comisión de Transparencia pero o concello négase a dar a información de transparencia dos seus concelleiros. Preguntando na comisión, básicamente din que non hai forma de obrigar ou penar a negativa do concello", relata. Este é outro dos puntos aos que apela o manifesto Aldeas Sen Horizonte, que pide a exclusión do negocio eólico “das empresas que conten no seu cadro de persoal ou de accionistas con persoas que ostenten ou teñan ostentado cargos públicos ou de representación política que puidesen ter influido, directa ou indirectamente, no beneficio particular das devanditas empresas”.

Expropiacións: “demasiadas” pola utilidade pública dos parques

Outra das cuestións ás que se refire o documento é á eliminación progresiva de muiños da Rede Natura. Este impacto destácao tamén Xavier Simón. “Que haxa máis de 1500 MW instalados nestes espazos non é positivo baixo ningunha perspectiva. Como tampouco o é que a participación pública na promoción dos parques sexa insignificante. Isto ocore ao mesmo tempo que China ou Italia si participan, ao ser propietarios significativos dalgunhas empresas que promocionan parques en Galicia. Que as comunidades locais xoguen un papel marxinal no proceso de planificación territorial e enerxética non é axeitado. Que os concellos non teñan case ningunha capacidade para determinar en que lugares se poden colocar parques tampouco é desexable. E que haxa aínda demasiados casos de expropiación de terras para a posta en marcha de parques eólicos tampouco é xusto”, defende o coordinador do OEGA. 

Electricidad
Eléctricas en Galiza, negocio redondo

Se hai un sector económico digno de análise, ese é o enerxético. As súas implicacións non só en termos de xeración de valor e emprego, senón para o conxunto dunha economía e o seu desenvolvemento, son fundamentais. Ademais, o impacto directo que teñen sobre a cidadanía as decisións de política enerxética, dende a pobreza enerxética até as medidas para mitigar o cambio climático, son indubidables.

Sobre o papel das entidades municipais, Miguel Otero opina que “cada comunidade e concello negociou como boamente soubo. Hai resultados moi distintos. O proceso de Muras semella que pensou algo máis en que a producción deixara un beneficio na comunidade. No caso de Ourol, até onde eu sei, só se fixeron alugueres dos terreos a un prezo inferior á media galega”. Muras é un concello lugués que limita ao norte con Ourol. Está no límite que a comarca da Terra Chá fai coa Mariña de Lugo. É un dos que ten máis aeroxeradores por habitante instalados. En 2016 o goberno municipal habilitou unha bonificación para consumos domésticos de até 500 euros para os daquela 700 muresáns. En 2019 subiu a contía das axudas ata os 600 euros.

O asinantes do manifesto Aldeas sen Horizonte falan das expropiacións “como última opción”. Consideran que a Lei galega de fomento da Implantación de iniciativas empresariais de 2017, “a Lei da Depredación”, eliminou calquera atranco á expropiación de terras para o desenvolvemento de proxectos eólicos”. Xustifícano en que os parques eólicos foron considerados por defecto de “utilidade pública malia ser todos eles de iniciativa privada, prevalecendo por riba de calquera outro dereito, deixando indefensas ás veciñanzas”. No texto critícase que o actual modelo “ten un marco institucional desfasado, de finais dos anos 90, que favorece ao grande oligopolio enerxético fronte os dereitos das comunidades locais afectadas”. 

Simón (OEGA): “A administración autonómica ten que tomar medidas para que a expropiación sexa un caso absolutamente excepcional”

Para Xavier Simón, coordinador do Observatorio Eólico de Galicia, é necesario un cambio estrutural na lexislación. “O canon eólico foi unha boa idea pero hai que cambialo. Hai que vinculalo coa potencia e non co número de aeroxeradores. Co repotenciamento dos parques eólicos moitos concellos van perder recursos”, apunta o profesor da Universidade de Vigo, quen incide na consideración de utilidade pública que teñen os proxectos eólicos, o que provoca expropiacións pola vía rápida: “Dende o OEGA defendemos que a administración autonómica tome medidas para que a expropiación sexa un caso absolutamente excepcional para acceder ás terras eólicas. É un desastre para as comunidades rurais. É inxusto social e económicamente”. 

Simón alude a un exemplo real “desa inxustiza” que o OEGA incluiu no documento de apoio ás comunidades rurais que ven de actualizar. É o caso dunha comunidade de montes que non quería a expropiación. Buscaba un acordo coa empresa, unha multinacional de orixe parcialmente galega. A compañía solicitou e obtivo a declaración de utilidade pública. Expropiáronse os predios. A comunidade comezou entón un camiño de informes, avogados, peritacións e outros procesos que acabaron co resultado de expropiación de case o 80% da superficie total. O TSXG confirmou o “prezo xusto” fixado polo Xurado Provincial de Expropiación de Lugo: unha cantidade próxima aos 400.000 euros.

Eólicos Frexulfe 2
A Mariña de Lugo é unha das zonas con maior concentración de muiños eólicos | Foto: Javier Otero.

Dese total, descontando os gastos de equipo xurídico e pericial, a comunidade ingresou a metade, aproximadamente. “Ese parque está en funcionamento dende 2004. No 2005 a facturación estimada pola venda de electricidade foi de 4,3 millóns. En 2008, 5,5 millóns. En 2015, 3,7 millóns… En todo o seu periodo estimamos unha facturación de 62 millóns de euros (a prezos correntes). Na superficie expropiada a esa comunidade de montes situáronse 15 aeroxeradores que representaban o 65,2% da potencia total do parque eólico”, conclúe o caso. Esta situación leva ao OEGA a dicir que “a utilidade pública e a expropiación forzosa están no ordenamento xurídico español, pero a práctica da súa execución conduce a situacións de manifesta inxustiza pública”.

Unha “inxustiza” que tamén traslada Miguel Otero nas súas respostas. “Tendo en conta o abandono do rural, o envellecida que está a poboación, que moitos propietarios non viven sequera en Galicia ou non coñecen os montes… Todo o que sexa garantir a transparencia e a protección dos dereitos da comunidade e os donos individuais por parte das administracións é importante. Son cuestións de forma que apelan á participación e á formación da xente sobre os seus dereitos. Non pode ser que as institucións poñan alfombras vermellas e portas abertas á estas grandes empresas e só barreiras á xente, exercendo violencia administrativa”, argumenta.

A necesidade de novos modelos de propiedade

Xavier Simón detecta que a oposición social medrou contra “o modelo de acumulación”. “Os parques eólicos e as centrais fotovoltaicas son imprescindíbeis. Pero non é suficiente con buscar o incremento da potencia renovable instalada”. Considera que é necesario formular diversas formas de propiedade e non só grandes corporacións multinacionais: “Cooperativas agrarias e gandeiras que diversifiquen a súa actividade, novas cooperativas de produtores ou consumidores; ou pequenas e medianas empresas”. Dende o OEGA piden reservar unha parte importante de potencia a instalar nos vindeiros anos para esas novas formas de propiedade. 

Simón (OEGA): “Apostar por sinerxias permanentes do sector eólico co tecido empresarial local mudaría a opinión que as comunidades teñen del”

“Hai que apostar por sistemas de produción e consumo de enerxía máis próximos, con tecnoloxías de pequena ou mediana escala. É preciso usar as novas tecnoloxías renovábeis para reducir a dependencia do mercado. Integrar os aproveitamentos enerxéticos nas dinámicas de desenvolvemento local e rural, xerando sinerxias permanentes co tecido empresarial local: agrario, industrial e servizos. Isto mudará a perspectiva que as comunidades teñen da enerxía eólica”, considera Simón, quen sostén que esa idea de relocalización da producción e do consumo xa está sendo unha realidade na construcción de novos sistemas alimentarios. Neste sentido, considera que hai que facer un “forte investimento en I+D+i que teña raíz e natureza galega. Xa hai empresas que están a apostar por tecnoloxías de media escala que permiten producir enerxía eléctrica. Con tecnoloxía galega, competitiva e que espalla os seus beneficios no territorio local para subministrar ás entidades locais”.

Medio rural
Malos vientos para la Ribeira Sacra

La instalación de dos parques eólicos en Paradela (Lugo) levanta ampollas en una zona, la Ribeira Sacra, candidata a convertirse en Patrimonio de la Humanidad.

Os asinantes de Aldeas sen Horizonte reclaman o fomento do autoconsumo e a producción a pequena escala “con proxectos que aproximen as distancias entre as fontes xeradoras e consumidoras”. Así como pulan pola creación de comunidades enerxéticas locais que “primen os obxectivos sociais e ambientais (infraestruturas sanitarias, educativas, transporte colectivo…) sobre a rendibilidade financiera”. Mentres se formulan estes cambios, os veciños das zonas onde se instalan parques, como Miguel Otero, falan dunha “ocasión perdida para potenciar e renovar o rural galego”. “O estado debera ter unha forte representación no sector e considerar a producción enerxética como un ben común. Para innovar e desenvolver iniciativas comunitarias de producción como as cooperativas. E e xa existiron exemplos semellantes. Na miña aldea houbo varios saltos de auga hidroeléctricos que xestionaba a propia veciñanza”, comenta.  

Co obxectivo de reverter esta “ocasión perdida” e convertela en oportunidade colectiva traballa o Observatorio Eólico de Galicia, cuxo coordinador é moi crítico coa actual situación. “A moitos éncheselles a boca ao falar dos valores do medio rural, da beleza das súas paisaxes, da grande tradición cultural, da súa contribución á biodiversidade, dos ecosistemas e dunha elevada riqueza alimentaria… Pero cando se trata de aproveitar un recurso excepcional único danlle todas facilidades aos capitais multinacionais e impiden que as mesmas comunidades rurais, que tanto gaban coa boca pequena, sexan protagonistas desa enorme oportunidade”, insiste Simón.  

Para o profesor da Universidade de Vigo, a radiografía da implantación eólica é clara: “Empresas alleas ao medio rural que chegan para aproveitar un recurso natural, podendo chegar ao extremo de colocar instalacións de produción eléctrica a 500 metros de distancia das vivendas en terras que poden ser expropiadas como fincas rústicas, valoradas como tais. Estamos fronte a maior inxustiza da dinámica rural galega dos últimos tempos. Os parques eólicos de Galicia producen en bruto arredor de 600 millóns de euros anuais e está previsto que se dupliquen nos próximos 10 anos. E segue a ser un negocio vedado para as comunidades rurais”, sentencia. 

Informar de un error
Es necesario tener cuenta y acceder a ella para poder hacer envíos. Regístrate. Entra en tu cuenta.

Relacionadas

A Catapulta
A Catapulta O mapa afectivo conectado a través da poesía
O poeta, escritor e dinamizador Tiago Alves visita A Catapulta e reflexiona sobre as conexións na lusofonía
Laboral
Laboral Coidar sen dereitos: a loita das traballadoras nas residencias privadas de Galiza
Sen tempo nin medios para ofrecer uns coidados axeitados, alertan dunha situación insostible nos centros e denuncian a privatización dun servizo a costa do benestar das persoas maiores e dependentes.
Medio ambiente
Medio ambiente Máis de 200 colectivos esixen transparencia sobre a mina Doade e piden a intervención do Parlamento Europeo
Organizacións de toda Europa, lideradas por SOS Suído-Seixo, esixen a Bruxelas acceso á documentación sobre a explotación prevista, denunciando opacidade, privilexios empresariais e risco ambiental en zonas protexidas de Galiza.
Comunidad de Madrid
Energía El apagón en Madrid, en imágenes
En Madrid, la gran urbe ha permanecido incrédula al pasar de las horas, entre rescates en el Metro, en el Cercanías y en algunao ascensores, donde han quedado atrapadas algunas personas.
Opinión
Opinión La luz de lo público durante el gran apagón
El colapso del sistema energético ahonda en las grandes preocupaciones del siglo XXI. También en el diagnóstico fundamental de necesidad de refuerzo de los servicios públicos.
Comunidad de Madrid
Paros 28 y 29 de abril Huelga total en la educación pública madrileña
Infantil, Primaria, Secundaria, FP, Educación Especial, Universidad. Las plantillas de todos los niveles de la educación madrileña pararán este lunes 28 de abril por la “infrafinanciación” que Ayuso mantiene en la enseñanza.
Comunidad de Madrid
Comunidad de Madrid Facultades cerradas en Madrid para denunciar la precarización y la infrafinanciación
Los piquetes están informando de la huelga en universidades como la Complutense y la Autónoma, en la que ha habido algunos incidentes con personal de seguridad y con la extrema derecha.
Palestina
Genocidio Israel asesina a cien personas en Gaza durante las últimas 48 horas
Esta semana comienza una vista oral en la Corte Internacional de Justicia que examina la ilegalidad de la decisión israelí de cortar la cooperación con la agencia de derechos palestinos de la ONU, UNRWA.
Laboral
Laboral Trabajar para vivir, morir por trabajar
El 28 de abril se conmemora el Día Mundial de la Seguridad y la Salud en el Trabajo con la necesidad de la implementación de medidas ante la siniestralidad laboral, que dejó en el país en 2024 la muerte de 796 personas.

Últimas

Eventos
Evento Un Salto al periodismo desde el barrio: acompáñanos en un directo sobre periodismo situado
El Salto organiza un evento centrado en el potencial de los formatos sonoros para transmitir información veraz y fiable de forma cercana. Para hacer periodismo desde el barrio y barrio desde el periodismo.
Genocidio
Genocidio Activistas crean la embajada de Palestina en Bruselas mientras Israel prosigue con su asedio en Gaza
Mientras los ataques de Israel sobre la Franja de Gaza ya han dejado más de 51.490 muertos, activistas han rociado de sangre un edificio que simula ser la embajada de Palestina, dejando un rastro de pintura roja hasta la embajada del Estado sionista.
Sevilla
Sanidad Pública Profesionales de Atención Temprana advierten del colapso del servicio en Andalucía
El servicio que atiende a más de 32.000 niñas y niños de entre 0 y seis años se encuentra en una situación crítica, con profesionales precarizados y listas de espera que incumplen la Ley de Atención Temprana aprobada en 2023
Análisis
Análisis La izquierda donde rompe la ola
El crecimiento electoral de un amplio abanico de fuerzas de extrema derecha desde hace unos años complica la consecución de decisiones a nivel de la UE.
Ayuntamiento de Madrid
Paros en Madrid Fin de la huelga de basuras en Madrid
La plantilla ha votado a favor de la última propuesta, en un paro que comenzaba el pasado 21 de abril y con el que se demandaba la actualización de un convenio que se ha quedado obsoleto.
Más noticias
LGTBIAQ+
Juicio el 9 de mayo Lidia Falcón pide cinco años de cárcel a una mujer trans por un tuit de 2021 que no la menciona
La activista antiderechos Lidia Falcón denunció a Diana Juan Cano en 2021 por un tuit que apenas tuvo repercusión. La acusación pide una pena de cinco años de prisión y 50.000 euros de indemnización.
Comunidad de Madrid
LGTBifobia Femen protesta contra las terapias de conversión en un acto de la familia de psiquiatras Rojas Estapé
El movimiento Femen ha querido denunciar públicamente la relación de esta familia con sectores ultraconservadores de la Iglesia y su postura abiertamente contraria a los derechos del colectivo LGTBIQ+
Gobierno de coalición
Gobierno de coalición Sánchez piensa en un paréntesis legislativo para evitar roces con los socios tras una semana explosiva
El choque bronco por el caso de las compras de balas israelíes a cargo de Grande Marlaska puso sobre la mesa como nunca la ruptura de la coalición, aunque nunca fue una opción.

Recomendadas

Senegal
Migraciones El mito de la migración ordenada: la denegación de visados por el Consulado de España en Dakar
Maltrato institucional. Estas dos palabras son las más escuchadas cuando se pregunta a personas descontentas con el Consulado de España en Dakar. Cada vez más personas denuncian denegación de visados que no consideran justificados.
Guinea-Bissau
Internacional Guinea-Bissau arranca una ola de represión tras el sabotaje popular de una mina de arena en un parque natural
Una acción liderada por las mujeres del pueblo de Varela provocó un incendio en la bomba de extracción de la mina de arena pesada. El Gobierno ha llevado a cabo la detención de 16 personas, entre las que se encuentran líderes locales.
Galicia
Galicia Vigo, A Coruña y Ourense compraron material policial a Israel por medio millón de euros en solo cuatro años
El alcalde ourensano, Gonzalo P. Jácome, adjudicó un contrato por 70.000 euros días después del siete de octubre. Abel Caballero firmó otro de más de 200.000 euros y la alcaldesa de A Coruña siguió la estela con un contrato de 170.000 euros.