We can't find the internet
Attempting to reconnect
Something went wrong!
Hang in there while we get back on track
Fotografía
Ixiónidas: unha mirada poética sobre a rapa das bestas
Na fotografía que abre esta reportaxe vemos como tras baixar as bestas do monte, son fechadas nun curro, neste caso feito de madeira de eucalipto cortado en días previos. Unha vez separadas as crías, comézase a aloitar. Dous mozos da aldea fan parella para elixir á besta, saltar sobre ela e intentar deitala no chan, para proceder a cortarlle as crins. Os criterios de selección non son aleatorios, vanse escoller as que sexan máis fermosas, fortes, espelidas... Aquí estase a demostrar moito, dende os corpos, do xeito máis evidente e literal, ata a valentía, a afouteza, o saber... Coma nun serán se baila, nunha rapa aloitase, por algo máis que o que simplemente vemos.