Greenwashing
A Xunta acepta a Ence na Alianza Galega polo Clima: “Puxeron o raposo a coidar das galiñas”

A Xunta de Galiza vén de aceptar á empresa pasteira Ence na Alianza Galega polo Clima para, segundo as palabras da propia Consellería de Medio Ambiente, “seguir creando sinerxías na loita contra o quecemento global”. A vicepresidenta segunda e conselleira de Medio Ambiente, Territorio e Vivenda, Ángeles Vázquez, foi mesmo máis aló na rolda de prensa que quixo presidir para celebrar a adhesión: “É un pacto de corresponsabilidade que nos permite ser máis fortes na gran loita contra cámbio climático”. Nese nutrido grupo de empresas, clubes deportivos e organismos oficiais, agora Ence acompañará a outras das empresas máis contaminantes de Galiza como Stellantis (antiga PSA Peugeot Citröen) ou Jealsa Rianxeira, segundo se desprende dos datos do últimos informe do Observatorio da Sustentabilidade.

El Supremo avala que la fábrica de Ence continúe en la ría de Pontevedra hasta 2073

Redacción El Salto

2

Ence

Pontevedra El Supremo avala que la fábrica de Ence continúe en la ría de Pontevedra hasta 2073

Redacción El Salto

2

El Tribunal Supremo echa por tierra las sentencias de la Audiencia Nacional que acababan con la prórroga de 60 años dada por el Gobierno de Mariano Rajoy, cuando estaba en funciones, a la polémica fábrica papelera en la ría de Pontevedra.

A noticia levantou en pé de guerra a todas as organizacións ecoloxistas do país e á punta de lanza na loita social contra a pasteira, a Asociación pola defensa dá ría de Pontevedra (APDR), que tachou o anuncio como unha “nova campaña propagandística” convida entre a empresa e o Partido Popular desde o Goberno galego. “Se resulta noxento para quen sabemos que significa Ence en Pontevedra, ter que aguantar unha nova iniciativa mentireira e propagandística da dirección empresarial, máis grave resulta ter que soportar a actitude neglixente e irresponsable da Xunta de Galiza que practica a defensa sen concesións dunha empresa que segue incumprindo a lexislación ambiental”, sostén Antón Masa, presidente e voceiro do colectivo.

A vicepresidenta segunda, Ángeles Vázquez, e o director territorial da empresa, Antonio Casal, insistiron en sinalar avultadas cifras de emprego que segundo eles xera Ence, pero que a APDR volve pór en dúbida: “Seguen destruíndo emprego, causando molestias a veciños e veciñas e hai tempo que, coa lei na man, tiña que cesar a súa actividade industrial en Lourizán”. “Resulta intolerable, en efecto, observar esta actitude de submisión ante Ence, unha actitude que vén de longo e para a que, con seguridade, o Partido Popular e a Xunta de Galiza atoparán ensobradas razóns”, sostén Masa. “Seica Ence vai coidar do noso medio ambiente, da súa mellora, e mesmo vai pór freo aos efectos do cambio climático na nosa comunidade. A Xunta de Galicia puxo ao raposo a coidar das galiñas”, remata.