Huelga feminista
O feminismo toma Compostela

Milleiros de mulleres, convocadas por Galegas8M, tomaron as rúas de Compostela durante a mañá da folga feminista. Ás nove da mañá dábanse cita os primeiros piquetes informativos no centro da cidade que, ademáis de tentar garantir o direito á folga das traballadoras, sinalaron distintos establecementos “especialmente culpábeis da opresión das mulleres”: centros de estética e coñecidas tendas de roupa entre outros. 

Ao berro de "Folga feminista" e "Patriarcado e capital, alianza criminal" os primeiros piquetes feministas comezan a percorrer o centro de Compostela #folgafeminista#folgafeminista8mpic.twitter.com/GOyC9K9K1H

— O Salto Galiza (@OSaltogz) 8 de marzo de 2019

O momento álxido da mañá produciuse a partir das 11:30 horas cando se comezaron a dar cita distintos grupos de activistas nas chamadas “treboadas feministas”. Desde catro puntos distintos da cidade (Campus Sur, Galuresa, Concheiros e San Caetano) partiron en manifestación até confluiren, pasadas as doce do medio día, na praza de Galiza e na rúa da Senra.  

Momento de chegada á Senra, no centro de #Compostela, das distintas columnas saidas dos barrios. #TreboadaFeminista#8m#8M2019#folgafeminista#folgafeminista8mhttps://t.co/xYeRLDj0njpic.twitter.com/ccHB8yYZJV

— O Salto Galiza (@OSaltogz) 8 de marzo de 2019

Milleiros de mulleres xuntáronse no centro de Compostela superando todas as previsións, nunha mobilización ainda máis numerosa da do ano 2018. Perto das 13:00 horas unha portavoz das activistas anunciou a través dun altofalante a intención de ficar ocupando as rúas e chamando a “comer na rúa e permanecer ao longo de todo o día”. 

As feministas de #Compostela anuncian que van comer na rúa da Senra e cortaran o tráfico todo o día.
Hoxe #folgafeminista
⛏Nin emprego.
🍺Nin consumo.
👩‍🎓 Nin ensino.
💜Nin coidados.
Por todas as mulleres, por todos os dereitos ♀️#8m#8M2019#folgafeminista8mpic.twitter.com/hPpq7R14qz

— O Salto Galiza (@OSaltogz) 8 de marzo de 2019